طلبات إحاطة عاجلة في مجلس الشعب بسبب اخفاق المنتخب!!!



والله العظيم حاجة تفرس، خلاص يا شعب افرح وانبسط وزقطط مشاكلنا كلها اتحلت ومعدش قدام نواب المجلس غير يقدموا طلبات إحاطة لا ومستعجلة كمان عشان يشوفا منتخبنا اللي اتغلب ظلم من البرازيل وفاز على إيطالبا وبعدين اتغلب من أمريكا أخفق ليه؟ بذمتكو مش شيء يفرس... يا جدعان دي أمريكا أنتو اتجننتوا في عقلكم ولا إيه اللي جرى ...أمررررررررررررررريكا عارفين يعني إيه أمريكا إم إيه رررريكا.
طبعا النواب المحترمين الغيورين على اسم مصر لم يقبلوا إن أمريكا تتخطى الخطوط الحمراء وتفوز على منتخبنا، وطبعا برضو بما إنهم فاضيين وخلصوا على كل مشاكل الشعب المصري الغلبان قرروا يشوفوا موضوع المنتخب اللي كسفهم قدام أمريكا. يا سلام ...يا سلام
شيء رائع خلاص النواب حلو مشكلة البطالة والأسعار والغلاء والغاز والفساد والأمراض والتأمين الصحي والتعليم والرواتب وكله كله بقى تمام على طول بر المحروسة والحمد لله!!!
وبالمناسبة دي أن بتقدم للسادة الأعضاء اللي اتقدموا بهذا الطلبات باقتراح معقول وهيحقق لهم النصرة على الأمريكان ولاد القديمة دول، والأقتراح كالتالي ومختصر جداً جداً...
اقطعوا المعونة عنهم...
بس خلاص

تعليقات