في
مؤلفاتي
- الحصول على الرابط
- بريد إلكتروني
- التطبيقات الأخرى
المصريين.. أهل الرحمة والمودة والجدعنة
فاكرين ولا نسيتو؟
فاكرين لما كنا بنحن على بعض
فاكرين وقفتنا مع بعض في الفرح والحزن
فاكرين...
فاكرين إزاي كنا نتسابق لعمل الواجب في فرح فلان ولا جنازة علان
فاكرين الابتسامة الطيبة على الوشوش
فاكرين "سلامتك يا عم الحاج أجيبلك ماية"...
فاكرين "هاتي عنك الشيلة دي يا حاجة أوصلهالك"
فاكرين الجيران مسلم ولا مسيحي متفرقش بينهم
فاكرين اللمة في رمضان
فاكرين موائد الرحمن
فاكرين الوقفة وسط خناقة نصالح ونعاتب
فاكرين احترام الكبير والعطف على الصغير
فاكرين حرمة الدم
فاكرين معنى الغم
ايه اللي جرى لكم؟!
هنا على بعضنا ليه؟! ماتت قلوبنا ليه؟! بقينا أعداء بين ليلة وضحاها!!!
ايه اللي جرى لكم؟!
عقلكم فين...
أفيقوا يرحمكم الله...
أفيقوا يا مصريين...
أفيقوا بالله عليكم
إزاي هنبص في وشوش بعض؟!
إزاي هنبص لوشوشنا في المراية؟!
هنقول إيه لولادنا ونعلمهم إزاي معنى حرمة الدم؟!
والله الدم كله حرام
والله الدم كله حرام
والله الدم كله حرام
الدم كله حرام
تعليقات