التخطي إلى المحتوى الرئيسي

المشاركات

عرض المشاركات من نوفمبر, 2016

معادلة غير مفهومة

معادلة غير مفهومة..  شيء يسمى إعلامي متلمع يكون عقده ملايين في السنة يخاطب ناس غلابة مش لاقيه تاكل ويطالبهم بالصبر على الغلاء والغم والمرار الطافح.. وبعدين يصدقوه ويصعبوا شفايفهم ويمسكوا دموعهم.. يا عالم يا هووو هل تعتقدوا البيه فعلاً حاسس بمشاكلكم ولا بيقضي الشهر يحسب هيمشي إزاي ولا ملخوم في جمعيات علشان يقبض له كام الف بعد سنة عذاب... هل حاسس بغلو الاسعار ومش لاقي الدواء...  هل بيحلم باللحمة والكباب ذيكم.. هل بيعاني في المواصلات.. هل بيتعالج في مستشفى حكومي تجيب المرض بدل العلاج.. عياله مخنوقين في فصول ذي علب السردين... هل وهل وهل.. وأكيد الإجابات كلها لا... طيب بتصدقوه ليه وإزاي وبأي منطق تثقوا فيه هو واللي ذيه؟!! نفسي حد عاقل يفهمني المعادلة الهباب دي..!!!